Child Surjith Rescue Live Updates | குழந்தை சுர்ஜித் மீட்பு பணிகள் தீவிரம்

ஆழ்துளை கிணற்றில் விழுந்த சிறுவனை மீட்கும் இடத்திற்கு வருவாய் துறை அமைச்சர் ஆர் பி உதயகுமார் வருகை.

புதிய ரிக் எந்திரத்தில் கருவிகள் பொறுத்த 1 மணி நேரம் வரை ஆகும் என்று தகவல். குழி தோண்ட தொடங்கிய பின்னர் 4 அல்லது 5 மணி நேரத்தில் பணிகள் முடியும் என்றும் அதிகாரிகள் கூறியுள்ளனர்

சில நிமிடங்கள் பெய்த சாரல் மழை நின்று விட்டது

28 அடி வரை புதிய ஆழ்துளை கிணறு பகுதியை ஆழப்படுத்தி வருகின்றனர்.  பாறைப் பகுதியை குடைந்து செல்வதற்கு கடுமையாக இருப்பதால் புதிய  ஆழ்துளை கிணறு பகுதியில் தண்ணீரை ஊற்றி பணி செய்து வருகின்றனர்.

தற்போது அந்தப் பாறையின் துகள்களை வெளியே எடுத்து அதன் தன்மை குறித்து ஆய்வு செய்து வருகின்றனர்.

100 அடி குழிக்குள் இறங்க தீயணைப்பு & மீட்புப் பணித்துறை வீரர்கள் 6 பேர் தயார் நிலையில் உள்ளனர்.

பயிற்சி பெற்ற ராம்குமார், திலீப், தனுஷ், அபிவாணன், கண்ணதாசன், மணிகண்டன் என்ற 6 வீரர்கள் தேர்வு செய்யப்பட்டுள்ளனர்.

6 வீரர்களும் பாதுகாப்பு உபகரணங்களுடன், இறங்க தயாராக உள்ளனர். முதுகில் ஆக்சிஜன் சிலிண்டர், டார்ச் லைட் உள்ளிட்டவற்றை அவர்கள் எடுத்துச் செல்வார்கள்

குழந்தை சுர்ஜித் பத்திரமாக மீட்கப்பட தமிழகத்தின் பல இடங்களில் பிரார்த்தனை நடத்தப்பட்டு வருகிறது

100 அடி ஆழத்திற்கு சென்ற குழந்தை

ஆழ்துளை கிணற்றில் விழுந்த குழந்தையை மீட்கும் பணி 25 மணி நேரத்திற்கும் மேலாக நீடிக்கிறது.

முதலில் 26 அடியில் இருந்த நிலையில், குழந்தை தற்போது படிப்படியாக கீழே இறங்கி 100 அடி ஆழத்திற்கு சென்றுவிட்டது.

ஒரு பக்கம் குழி தோண்டும் பணி நடந்தாலும், வேறு வழிகளிலும் குழந்தையை மீட்கும் முயற்சி தொடர்கிறது

ரஜினி மிகுந்த கவலையில் உள்ளார். அவர் குழந்தை விஷயத்தில் அதிகம் ஈடுபாடு கொண்டவர். இந்த செய்தியை தொடர்ந்து பார்த்து வருகிறார் – லதா ரஜினிகாந்த்

குழந்தையை காப்பாற்ற நேற்று துவங்கி இன்று வரை போராடி வருகிறோம். இது துயரமான தருணம். நாமெல்லாம் ஒரு சின்ன குழந்தையை காப்பாற்ற தவறிவிட்டோமோ என்று கவலையாக உள்ளது. நாம் நாசா செல்கிறோம் விண்வெளி செல்கிறோம், ஆனால், இதுபோன்ற நேரத்தில் தொழில்நுட்பத்தால் நமக்கு தோல்வி நடக்கிறது.  இதுபோன்ற சம்பவம் புதிதல்ல,  ஏன் தொடர்ந்து நடக்கிறது. இதனை சரி செய்ய வழி இருக்கிறது. மனிதன் செல்ல முடியாத நிலையில் தொழில்நுட்பம் அங்கே செல்ல வேண்டும் – லதா ரஜினிகாந்த்

விரைவாக குழி தோண்ட ஓ.என்.ஜி.சி.யின் ரிக் என்ற இயந்திரம் பயன்படுத்தப்பட உள்ளது. குழி தோண்ட 4 முதல் 5 மணி நேரம் ஆகும் என்று தகவல்

ஆழ்துளை கிணறு அருகே சுரங்கம் போன்ற குழி தோண்டி குழந்தையை மீட்க நடவடிக்கை. என்.எல்.சி மற்றும் தனியார் அமைப்புகள் இணைந்து குழி தோண்ட முயற்சி

70 அடி ஆழத்தில் இருந்த குழந்தை தற்போது 80 அடி ஆழத்திற்கு சென்றுள்ளது.

குழந்தை சுர்ஜித்தை கயிறு கட்டி இழுக்கும் முயற்சியில் பின்னடைவு ஏற்பட்டுள்ளது

திருச்சி மணப்பாறையில் ஆழ்துளை கிணற்றில் சிக்கிய சிறுவனை மீட்க உலகப் புகழ் பெற்ற நாகப்பட்டினம் மாவட்டம் வேளாங்கண்ணி புனித ஆரோக்கிய மாதா பேராலயத்தில் பேராலய அதிபர் பிரபாகர் தலைமையில் சிறப்பு பிரார்த்தனை நடந்து வருகிறது

வேலூர், திருப்பூர், புதுக்கோட்டை, கரூர் உள்ளிட்ட மாவட்டங்களில்  திறந்த நிலையில் உள்ள
ஆழ்துளை கிணறுகளை மூட  மாவட்ட ஆட்சியர்கள் உத்தரவு

மாநில – தேசிய பேரிடர் குழுவினர் கூட்டுமுயற்சி

சிறுவன் சுர்ஜித்தை மீட்க மாநில – தேசிய பேரிடர் குழுவினர் கூட்டுமுயற்சியில் ஈடுபட்டு வருகின்றனர். அதிநவீன சென்சார் கருவிகள் மூலம் மீட்கும் பணி தீவிரம்.